खरेच चायनीज प्रॉडक्ट बॅन करता येतील का आप ल्याला ?

खरेच चायनीज प्रॉडक्ट बॅन करता येतील का आपल्याला ?

हल्ली ६-७ दिवसांपासून #ChinaProductBan असे संदेश व्हॉटसऍप / सोशल मीडियावर (फॉरवर्ड संदेश) येत आहेत.
काय आहे हे #ChinaProductBan? असा विचार मनात आला, खरेच जर ह्या चीन कडून आयात केलेल्या वस्तूंवर बंदी आणली तर?

माझे मत यावर

माझे विचार कदाचित वेगळे असतील. व ते पटणे थोडे कठीणपण आहे.
जर का आयात – निर्यात यावर बोलायचे म्हटले तर, आपल्या भारताने २०१५-२०१६ या आर्थिक वर्षांमध्ये मध्ये चीन देशा कडून एकूण ६१ बिलियन डॉलर च्या वस्तू आयात केल्या आहेत, ६१ बिलियन डॉलर हे भारताच्या एकुण आयातीपैकि १/६ हे चीन कडून होते.
काही वर्षांपूर्वी हेच प्रमाण १/१० इतके होते. आणि निर्यात बद्दल बोलायचे तर भारत देशाने फक्त ९ बिलियन डॉलर इतके सामान निर्यात केले आहे. हे तर अगदी नगण्य आहे. एकूण पाहता हे आयात व निर्यात रक्कम पाहता हा व्यवहार चीनच्या बाजूने झुकलेला दिसत आहे.
आपण बराच विचार करतो, व इतरांशी बोलतो तेव्हा सांगतो कि चीनच्या वस्तू वापरू नका, त्या वस्तूंवर बंदी आणा. आणि असे संदेश पण पसरवतो, थोडा विचार करा, आता दिवाळी म्हणजे दिव्यांचा सण येतो आहे त्यावेळी दिव्यांची रोषणाई करण्यासाठी चीन मध्ये बनलेल्या वस्तू वापरू नका. चीन कडून आलेली तोरणे विकत घेऊ नका. पण खरेच, आता काय करायचे हा मोठा प्रश्न च आहे, नाही का?
मला तर असे वाटते कि सध्या तरी आपण या प्रश्नापासून स्वतःला काही वेळासाठी दूर ठेवूया. जर का स्मार्टफोन चा विचार केला तर जवळपास सर्वच फोन किंवा त्याचे काही भाग हे चीनमधून निर्यात केलेले आहेत, त्यामुले ते सुद्धा विकत नको घ्यायला, हे तर आपणा सर्वाना समजते आहे.
आपण हि बंदी आणली पाहिजे, कि ज्यामुळे भारताची आर्थिक बाजू बळकट होईल व चीन देशाकडे इतका पैसे जाणार नाही.
इथे एक प्रश्न आजून येतो, तो म्हणजे, आपण चीनच्या वस्तूंवर बंदी आणली तर त्याबदल्यात भारतीय बनावटीच्या वस्तू बाजारात उपलब्ध आहेत का ?

त्याचे उत्तर "नाही" असे आहे, आपण फक्त हा विचार केला कि चीन बनावटीच्या वस्तू वापरू नये, पण माडगं त्या बदल्यात कोणत्या वस्तू वापरायच्या? आपण फक्त डोळे बंद करून #ChinaProductBan असे संदेश व्हॉटसऍप / सोशल मीडिया वर फॉरवर्ड केले, हो ना ?

कधी आपण याचा कोळात जाऊन विचार च नाही केला आता पर्यंत.

खालील वस्तू चीन कडून आयात होतात
१. भ्रमणध्वनी (स्मार्ट फोन) व त्याचे विविध सुट्टे भाग
२. सौर ऊर्जेचे पॅनल
३. उर्वरक (फर्टीलायझर)
४. वेगवेगळी जड यंत्राची उपकरणे (इक्विपमेंट्स) व त्यांचे सुटते भाग
५. LCD व LED टीव्ही संच
६. खेळणी
७. लाईट
८. विविध विजेच्या (इलेक्ट्रोनिक) वस्तू

आता पुन्हा विचार करा, जर खरेच आपण चीनच्या वस्तूंवर बंदी आणली तर काय होईल?

सध्यपरिस्थिती पाहता चीनकडून निर्यात केलेल्या वस्तूंवर बंदी करणे खूप कठीण आहे

आपण चीन कडून आलेल्या वस्तू भारतीय दुकानातुन घेतो, आता विचार करा या भारतीय विक्रेत्याने त्याच्या दुकानांमध्ये सणासाठी ५ लाख रुपयांच्या चिनी बनावटीच्या वस्तू भरल्या आहेत, आपण भारतीय #ChinaProductBan करतो तर त्या मध्ये कोणाचे नुकसान होईल, चीनचे कि आपल्या भारताचे?

चीन चे व्यापारी तर हे सामान विकून व त्याचे पैसे घेऊन गेले सुध्दा त्यांच्या देशामध्ये परत. आणि हे सर्व चिनी बनावटीचे सामान पूर्ण भारताच्या कोपऱ्यामध्ये विकण्यासाठी पसरले आहे

व जर आपण #ChinaProductBan आज केले तर भारताचे च नुकसान होणार आहे कारण ते सामान भारतातील विक्रेत्यांकडे आहे व व्हीन चे यात काही एक नुकसान होणार नाही आहे. हि गोष्ट कृपया लक्षात घ्या

भ्रमणध्वनी बनवण्यामध्ये मध्ये चीन अग्रेसर आहे, चीन सबत, आपल्याकडे कोरिया, तैवान, जपान, व्हीयेतनाम या सारख्या विदेशांमधून वस्तू आयात होतात व त्या देशांमधून आलेल्या वस्तू आपल्याला चालतील किंवा अमेरिका मधून आलेल्या वस्तू देखील, पण मग चीन च्या का नको? त्या तर इतर देशांमधील वस्तू पेक्षा स्वस्त आहेत ना ? आणि आपण असे ठरवले कि भारत देशात बनलेल्या वस्तूच वापरायच्या तर?

स्मार्ट फोन चे उदाहरण घ्या
भारतीय बनवता मध्ये MicroMax हा फोन आहे
पण खरेच हा फोन संपूर्ण भारतीय बनावटीचा आहे का? तर नाही यामधील बरेच शे भाग हे चीन मधून च आयात केलेले आहेत, आपण असे बोलू शकतो कि हा फोन चीन कडून सुटते भाग आणून भारतात बनवला आहे. मग यात कुठे आले #ChinaProductBan

सर्वच वस्तू भारतात विकल्या जातात त्या चीन कडून आलेल्या आहेत. इतकेच काय शाळेच्या वह्या व पेन आणि पेंसिल या सुद्धा चीन कडून च आलेल्या आहेत. मग आता बानी आणायची तर कशा कशावर आणायची?

फक्त विचार करा सकाळ च्या टूथब्रश पाससून ते रात्री झोपण्यासाठी असलेला पलंग व गादि, चहाचा कप ते रात्री वापरणारा काचेचा ग्लास सुद्धा चीन कडून आलेला आहे

आता आपण हे मान्य करायला हवे कि आपण चिनी वस्तूंच्या आहारी गेलो आहोत, #ChinaProductBan करण्यापूर्वी आपण त्या वस्तू ची निर्मिती भारतामध्ये करायला हवी, व त्यानंतर च #ChinaProductBan साठी पुढाकार घ्यायाला हवा असे माझे वैयक्तिक मत आहे.

आपण स्वतःला भारतीय बाजारपेठे मध्ये मजबूत करायला हवे तो पर्यंत तरी #ChinaProductBan करता येणार नाही हि वस्तुस्थिती आहे व आपणा सर्वाना ते मान्य करायला लागेल.

Thanks

Regards

Digamber